„ЕУ и Западниот Балкан: кој е подготвен“: Османи на Бледскиот стратешки форум

Кризата на мултилатералниот поредок,  последиците од руската агресија врз Украина и одговорот на меѓународната заедница на новите предизвици се темите за кои ќе се дискутира на 17-от Бледски стратешки форум насловен „Владеење на моќта или моќта на правилата“ на кој што ќе учествува и министерот за надворешни работи Бујар Османи.

Како што соопшти МНР, Османи ќе се обрати на панелот „ЕУ и Западниот Балкан: кој е подготвен“, на кој ќе учествуваат и заменик помошникот државен секретар на САД, Габриел Ескобар, министрите за надворешни работи на Косово, Доника Гервала Шварц, на Црна Гора, Ранко Кривокапиќ и на БиХ, Бисера Турковиќ, специјалниот претставник на ЕУ за дијалогот меѓу Србија и Косово и други регионални прашања  Мирослав Лајчак, високиот претставник за БиХ Кристијан Шмид и Зоран Нечев од Институтот за демократија Социетас цивилис – Скопје.

На маргините на форумот, предвидено е Османи да има и билатерални средби со свои колеги и други учесници.

Бледскиот стратешки форум во своето седумнаесетгодишно постоење прерасна во водечка меѓународна конференција во Централна и Југоисточна Европа, која привлекува широк спектар на учесници – државници, политичари, професори, бизнисмени, кои дебатираат за современите регионални и глобални предизвици и да бараат иновативни решенија.

 

 

Трендот на заминување на младите од родната земја е загрижувачка појава која се случува во Македонија.

повеќе

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе