Пред денешната посета на Коѕијас

Ефимерида: Преговорите за името влегуваат во најкритична фаза, има план „Б“ за влез на Македонија во НАТО

Грчкиот весник „Ефимерида" пишува дека решението за името е сѐ подалеку, дека тоа почнува да им станува јасно на сите, и во Скопје, и во Атина и во Брисел, па затоа се подготвува план „Б" за членство на Македонија во НАТО.

Добро информирани дипломатски и политички извори, пишува „Ефимерида“, тврдат дека ЕУ и НАТО, а особено Алијансата подготвиле бајпас, доколку не се реши спорот за името, со кој Македонија би била примена во НАТО. Според весникот постојат две опции - специјален однос со Македонија или прием во НАТО под признатата референца поранешна југословенска Република Македонија, со фуснота дека кога новото име ќе се договори, земјава ќе биде ословувана со тоа име.

Денеска попладне во Скопје ќе пристигне шефот на грчката дипломатија Никос Коѕијас. Москва пред два дена упати директно предупредување за безбедноснте последици од евентуалното членство на Македонија во НАТО. На 30 март во Виена Коѕијас и неговиот македонски колега Никола Димитров ќе се сретнат со посредникот на ОН за името Метју Нимиц.

Во Грција преовладува оценката дека преговорите за името влегуваат во најкритична фаза и дека нема голем простор за оптимизам за конечната спогодба. Грција гледа надеж во долго очекуваните притисоци од Европската Унија и Ангела Меркел, но и од ОН, што веќе долго време ѝ биле ветени на Атина.

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе

Како граѓани на независна и суверена Република Македонија веќе се навикнавме постојано да живееме во секојдневни тензии и стресови.

повеќе