Коалициски договор или...

Една година по донесувањето на т.н. „тиранска платформа“ - што е остварено, што остана за остварување

Декларацијата на партиите на Албанците од Македонија, потпишана пред една година во Тирана, предизвика бурни реакции во македонската јавност. Овој документ беше веднаш разбран како услов на партиите на македонските Албанци за влез во која било наредна коалиција со македонска партија. Тоа беше демантирано, а декларацијата дури и беше прогласена за сосема небитен документ. Против оваа т.н. „тиранска платформа“ иницијативата „За заедничка Македонија“ со денови демонстрираше во Скопје. Еве каква е ситуацијата денес..

ДУИ, Беса и Алијансата за Албанците лани во јануари, за Божиќ, објавија декларација од седум точки во која „се согласуваат за заемна поддршка на заедничката политичка агенда која предвидува реализација на повеќе цели, во идниот владин мандат и/или во секој понатамошен мандат“. Еве ги барањата во документот и она што досега е остварено од барањата во таа декларација од коалицијата меѓу СДСМ и ДУИ. Ако се оди според платформата, има уште да се доработува...