Трудо до Заев: Канада продолжува со поддршката на Македонија за членство во НАТО и го очекуваме денот кога ќе ви посакаме добредојде во алијансата

Премиерот на Канада, Џастин Трудо, упати писмо со честитки за изборот за Претседателот на Владата на Република Македонија, Зоран Заев. Изборот за премиер на вашата земја доаѓа после еден тежок транизициски период, наведува во писмото канадскиот премиер.

Премиерот Трудо истакнува дека Канада го поздравува формирањето на новата влада, и во име на неговата земја, изразува надеж за плодна соработка во иднина.

Сигурен сум, порачува во своето писмо канадскиот премиер, дека ќе продолжите да ја водите вашата земја со чест и одговорност достојни на поддршката на народот на вашата земја, кон светла иднина заснована на најавените реформи, на европските аспирации, и на заложбите за регионална стабилност. Канада и понатаму продолжува со поддршката на амбициите на Македонија за членство во НАТО и го очекуваме денот кога ќе ви посакаме добредојде во алијансата.

Ви ги испраќам моите најдобри желби за успех во остварувањето на вашата владина програма, и се надевам дека ќе имаме можност за соработуваме во остварувањето на нашите заеднички приоритети, се вели во писмото од премиерот на Канада, Џастин Трудо, до Претседателот на Владата на Република Македонија, Зоран Заев, соопштија од Владата.

Премиерот имаше добра прилика во највисокиот светски политички форум, поексплицитно да ги образложи причините за спорот за името.

повеќе

Сферата на локалните јавни финансии претставува многу погодно поле за соработка на локалната власт со приватниот сектор.

повеќе

Драги пратеници, помислете добро пред да притиснете копче за двојазична Македонија.

повеќе