Утре и мандатар и спикер

Џафери закажа седница за избор на претседател на Собранието

Oткако денеска претседателот на државата Стево Пендаровски најави дека утре ќе му го додели мандатот за составување на нова влада на Зоран Заев, веднаш се јави и Талат Џафери и најави дека утре ќе свика продолжување на конститутивната седница за избор на претседател на Собранието.

Џафери во улога на претседавач вели дека штом Пендаровски го доделува мандатот тоа значи дека веќе бил постигнат договор меѓу партиите и има собраниско мнозинство за избор на спикер на Собранието.

Седницата е закажана за во 15 часот. Претходно Пендаровски треба да му го додели мандатот на Заев.

Од партиите нема никаква информација за тоа дека е договорено собраниско мнозинство. Пред два дена се одржа средба меѓу Заев и Ахмети, лидерот на ДУИ. Но,и двајцата рекоа дека договор за владина коалиција нема, но и тоа дека разговорите ќе продолжат.

За утре е најавена и средба на партиите од албанскиот блок, иако е неизвесно дали лидерите на Алијанса за Албанците Зијадин Села и Алтернатива Африм Гаши ќе присуствуваат на истата. Тие рекоа дека се за средба на албанските партии, но таа да се одржи следната недела. Претставници за Беса веќе изјавија дека се против ваква средба.

Денеска во хотелот Белви кај Скопје лидерите на СДСМ Зоран Заев и Алтернатива Африм Гаши имаа средба.

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе