Поделба на „колачот“

ДУИ се откажа од проектот прв Албанец премиер и доби 6 министерски места, 5 заменици, директори во МЕПСО, МАЛМЕД...

Владините коалициски партнери веќе се договориле ДУИ да добие пет заменик-министерски места, како и раководните функции во МЕПСО, ЈПДП, МАЛМЕД...

Од 15 заменик-министри во владата ДУИ ќе има пет (во министерствата за правда, за внатрешни работи, за здравство, за одбрана и за транспорт и врски), а СДСМ тројца заменици (во министерствата за финансии, за администрација и земјоделство). ДПА ќе има еден заменик, и тоа во Министерството за надворешни работи, каде што министер е Бујар Османи. Партијата ДОМ добива заменичко место во Министерството за животна средина.

Беса освен министерското место за земјоделство, ќе номинира двајца заменици, и тоа во министерствата за образование и за култура, а Демократската партија на Турците добива едно заменичко место во Министерството за политички систем. Партијата на Павле Трајанов, Демократскиот сојуз, ќе има заменик-министер во локалната самоуправа, а Сојузот на Ромите на Амди Бајрам ќе има заменик-министер во труд и социјала. НСДП ќе треба да предложи кандидат за заменичкото место во Министерството за економија.

Рокот за завршување на овие преговори е до петок, па во оваа прераспределба можни се и измени. До 18 септември се очекува предлозите да бидат доставени до Собранието за избор на замениците.

Во медиумите се појавија и имињата на можните заменик-министри од редовите на ДУИ. Назим Буши можно е да биде новиот заменик-министер за внатрешни работи, Агим Нухиу од МВР би одел во правда, Беким Реџепи за транспорт и врски, Башким Хасани во одбрана и Илир Хасани во Министерството за здравство.

Вицепремиерот Артан Груби изјави дека ДУИ ќе ги добие раководните позиции во Јавното претпријатие за државни патишта, Македонски електропреносен систем-оператор (МЕПСО) и Агенцијата за лекови и медицински средства (МАЛМЕД).

Има уште раководни функции по јавните претпријатија и агенции што ќе бидат дел од преговорите за поделбата на овие места меѓу владините коалициски партнери.

А.Д.

Стравот од неизвесноста што ја носи пандемијата од ковид-19 вирусот, бара да се преструктуираме и да го промениме начинот на нашето однесување и работење.

повеќе

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе