Собрание

ДУИ ја условува поддршката за законот за ЈО со прекројување на изборната единица 6

Во Собранието денеска сѐ што се случува е по ходниците, канцелариите и во собраниското бифе. Цел ден се очекува почетокот на пленарна собраниска седница на која треба да се гласа за предлог-измените на законот за јавно обвинителство, но засега претседателот на Собранието не ја закажува седницата. Последна инфоермација од таму е дека ДУИ бара измени во Изборниот законик со прекројување на границите на ИЕ 6.

Пред распуштање на Собранието на маса наеднаш се стави предлогот на ДУИ за измени и во Изборниот законик со конкретно барање за менување на границите на Изборната единица 6. ДУИ бара за измените во Изборниот законик да се гласа пред измените во законот за ЈО.

Неофицијално од ДУИ брифираат дека за ова била постигната согласност со СДСМ. Пратениците на ВМРО-ДПМНЕ се во Собранието, не го напуштаат законодавниот дом, но велат дека нема да гласаат за измените во законот за ЈО и бараат предлог законот да биде подготвен од експерти, па дури потоа да дојде на гласање во Собранието.

Досега на веб страницата на Собранието нема најава за седницата.

Расправата за законите, според првичните информации, постои можност да заврши денеска, а за нив евентуално да се гласа следните денови. Собранието треба да се распушти најдоцна до недела, со цел да се запазат роковите за одржување на предвремените парламентарни избори, на 12 април.

Двотретинско мнозинство е потребно за законот за ЈО, кој не е официјален  услов за добивање датум за почеток на преговори со ЕУ, но сепак од високите европски претставници се споменува како позитивен сигнал кој би можел да го придвижи процесот. Неофицијално, владејачкото мнозинство веќе има обезбедено двотретинско мнозинство со пратениците на Беса, но сѐ уште се лобира меѓу пратеници од опозициската ВМРО-ДПМНЕ и помеѓу останатите партии кои ги претставуваат Албанците во Собранието. 

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе