Не констатирале недостатоци

ДСЗИ во контрола во Шутка: Боки 13 бил 25 пати на преглед и му биле дадени специјалистички упати

По обвинувањата од адвокатот на Бојан Јовановски за лекарска негрижа додека е во притвор во Шутка, Државниот санитарен и здравствен инспекторат (ДСЗИ) извршил вонреден инспекциски надзор во ординацијата во рамки на затворот и не констатирал недостатоци во надлежностите на Инспекторатот.

„Во врска со објавените информации во електронските медиуми од страна на адвокатите на Бојан Јовановски, кои обвинуваат за лекарска негрижа, во однос на неговата здравствена состојба, од страна на Државниот санитарен и здравствен инспекторат на ден 20.11.2019 год. извршен е вонреден инспекциски надзор во ординацијата која се наоѓа во  склоп на КПУ Затвор Скопје, а е дел од ЈЗУ Здравствен дом Скопје.

Од извршениот увид во медицинската документација притворениот  Ј.Б. прв пат побарал лекарска помош на ден 16.07.2019год. при што е прегледан и ординирана му е терапија. Во периодот од 16.07.2019 год. до 13.11.2019 год. за пациентот евидентирани се вкупно 25 прегледи при што се издавани специјалистички  и болнички упати до здравствени установи на секундарно и терцијарно ниво (болнички здравствени установи). Притоа упатите се давани со претходно медицинско известување до надлежниот суд  за добивање  на согласност за понатамошно лекување, но во дел од случаите пациентот е пратен со Итна медицинска помош до одредена здравствена установа во интерес на побрзо добивање здравствена услуга, за што постои уредна евиденција. Од извршениот вонреден инспекциски надзор, не се констатирани недостатоци во надлежности на ДСЗИ“, пишува во соопштението од Инспекторатот.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе