Опозициската коалиција на Албанците со нова стратегија

„Државјанство“ - кампања и платформа на коалицијата Алијанса и Алтернатива

Kоалицијата Алијанса за Албанците и Алтернативите денеска на прес-конференција ја промовираа кампањата и платформата „shtetesia.mk" (државјанство). Оваа платформа, во име на коалицијата, ја презентираше Башким Бакиу, раководител на Аналитичкиот центар на Алијансата за Албанците. Бакиу објасни дека се работи за национална платформа преку која сите граѓани, без разлика на етничката припадност, ќе имаат можност да го претстават својот проблем за добивање државјанство.

Целта на оваа платформа, како што беше речено, е да соберат информации од граѓани кои се соочуваат со проблем за добивање државјанство, сега веќе 30 години од независноста на Македонија.

Според Бакиу, да се биде без државјанство значи да не бидеш признаен како граѓанин од една држава во рамките на нејзиниот закон.

„Поради оваа правна аномалија, Република Северна Македонија ги спречува жителите на нејзината територија да имаат пристап до основните граѓански, политички, економски, културни и социјални права. И покрај фактот дека ддржата е потписник на важни конвенции преку системот на човекови права на Советот на Европа, како и Универзалната декларација за човекови права на Обединетите нации, кои предвидуваат дека секој има право на државјанство и дека соодветно, на ниту едно лице не треба да му биде одземено правото на државјанство, денес на територијата на земјава има лица кои се законски невидливи, односно лица без државјанство", додаде тој.

Бакиу рече дека ќе преземат сеопфатен процес за собирање основни податоци од лица без државјанство, и тоа преку платформата shtetesia.mk, за да може потоа да се изврши политички притисок за решавање на овој проблем.

На крајот од оваа презентација, двајцата лидери на коалициските партии, Зијадин Села и Африм Гаши, им се обратија на новинарите.

Села нагласи дека државјанството е минимална државна обврска кон секој граѓанин на нашата земја и дека сè уште не може да ѝ се дозволи на државата со банални причини да им го ускратува на граѓаните ова основно човеково право.

Гаши истакна дека државата конечно мора да се ослободи од стравот дека расте бројот на една етничка заедница и со тоа да го попречи правото на граѓаните да имаат документ за државјанство.

Коалицијата Алијанса- Алтернатива, беше кажано на прес-конференцијата, ќе го поддржи Законот за попис и покрај тоа што Владата не ги прифати амандманите и сугестиите на опозицијата. Претседателот на Алијанса за Албанците, Зијадин Села рече дека владата ја одби подадената рака на коалицијата Алијанса- Алтернатива, која понуди соработка за креирање подобар Закон за попис.

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе