Според податоци на ДИК

Досега најмала излезност, СДСМ изгуби повеќе од 180 илјади, независните добија 54.475 гласа

Излезноста на гласачите на првиот круг од локалните избори е најниска од независноста досега. Одѕивот на неделните избори беше 48,99 проценти. Досега намалата излезност беше регистрирана на локалните избори во 2005 година – 56%, покажуваат податоците на Државаната изборна комисија.

Според податоците на ДИК за бројот на освоени гласови за општинските совети, најмногу гласови во првиот круг освои ВМРО-ДПМНЕ – 285.525, потоа СДСМ – 239.214, па ДУИ – 103.805, Алијанса за Албанците и Алтернатива – 55.540, Левица – 50.181, Беса – 25.426 и ЛДП/ДОМ – 24.850. Независните кандидати на овие избори добија 54.475, што е повеќе од двојно зголемување во однос на 2017 година.

ВМРО-ДПМНЕ сега има пад од околу 50 илјади гласови споредено со 2017 година, кога имале 335.769 гласа, додека СДСМ бележи намалување од над 180 илјади гласови. Пад од 21 илјада гласа има и БЕСА.

Споредено со последните избори – предвремените парламентарни во 2020 година кога СДСМ и коалицијата (БЕСА и ЛДП/ДПА) имаа 327.408 гласа, на овие избори сите заедно имаат – 289.490 гласови, што е пад од 37 илјади гласа. Намалување од околу 27 илјади гласа има и кај ВМРО-ДПМНЕ за чија коалиција на ланските избори се изјаснија 315.344 граѓани.

Минимален пад во споредба со парламентарните избори има и кај ДУИ, но во однос на претходните локални избори бележи раст од 14 илјади гласови – 89.724 гласа во 2017 на 103.805 годинава. Ист тренд има и АА/А, која има раст од шест илјади гласа од 49.125 во 2017, на 55.540 гласа во 2021 година. Сепак, и АА/А во однос на ланските парламентарни избори кога освоила 81.620 гласови, сега има помалку околу 26 илјади гласа.

Раст бележи Левица која на неделените избори освои 50.181 глас. На парламентарните избори во 2020 година Левица освои 37.426 гласови.

Изборите на 17 октомври беа седмо изјаснување за локалната власт од независноста на државата, но трети на кои се избираа градоначалници и советнички листи во 80 општини и Градот Скопје. Право на глас имаа 1.824.864 гласачи, што е најмногу од сите локални избори досега и раст од 10.220 гласачи, во однос на изборите во 2017 година.

Најголем одѕив во првиот круг имало на локалните во 2013 година – 67 проценти, а најмал 56 отсто – на локалните во 2005 година.

Во втор круг најголем одѕив имало на локалните избори во 2013 година – 65 отсто, додека најмал – 43 проценти на локалните избори во 2009 година.

Први локални избори на 17 ноември 1996 година – излезност во прв круг – 60%, во втор круг 51%.

Втори локални избори на 10 септември 2000 година – излезност во прв круг – 59%, во втор круг 53%.

Трети локални избори на 13 март 2005 година – излезност во прв круг – 56,36%, во втор круг – 53,66%.

Четврти локални избори на 22 март 2009 година – излезност во прв круг – 57%, во втор – 43%.

Петти локални избори на 24 март 2013 година – излезност во прв круг – 67%, во втор – 65%.

Шести локални избори на 15 октомври 2017 година – излезност во прв круг 60%, во втор круг – 52%.

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе