Ивановска вели дека преку директна спогодба овој конзорциум би се прогласил за стратешки инвеститор, а изградбата на автопатите за национален интерес. Тоа ја отвора вратата за евентуално коруптивен договор, а ДКСК ваквиот закон, доколку се изгласа, ќе го оспори пред Уставен суд, изјави за ТВ Телма Ивановска.
„Станува збор за закон од висок ризик за корупција и ќе го дадеме на Уставен суд. Како е можно тој закон да биде согласност со Уставот, а при тоа да се фаворизира еден оператор“, прашува претседателката на ДКСК.
Не може проектантот истовремено да биде и изведувач, вели Ивановска и прашува зошто овој предлог-закон не го поднесува Владата, туку пратеници.
Во 2013 со посебен закон му се овозможи на кинески „Синохидро“ да го гради автопатот Кичево – Охрид, кој се уште не е завршен.
