СДСМ: Димовски требаше да одговори како тоа фирмата во која тој и Мицкоски имаат удел го добива бизнисот со хидроцентрали од владата на Груевски

ВМРО-ДПМНЕ и Димитар Димовски, од белиот дворец, од симболот за криминалот и корупцијата, денеска требаше да се извинат за безобразниот начин на одбрана на криминалот, да се повлечат и да повикаат на одговороност во сопствените редови, реагираат од СДСМ откако Димовски го повика Зоран Заев да побара оставка од градоначалникот Курто Дудуш.

„Јавноста знае дека Димовски има удел во компанијата „Енерготек ДОО Скопје“ заедно со Христијан Хирдо Мицкоски. Затоа Димовски требаше да објасни како тоа фирмата во која тој и Мицкоски имаат заеднички удел го добива бизнисот со хидроцентрали од владата на Никола Груевски? Димовски е некогашна десна рака на поранешниот министер за транспорт и врски, Миле Јанакиески, против кого денеска се водат многубројни судски процеси. Затоа Димовски требаше да одговори за многубројните судски процеси против Миле Јанакиевски и дали тоа е една од многуте причини поради која не го поддржува продолжувањето на работата на СЈО?“, велат од СДСМ и додаваат дека Димовски има земјиште од над 14 илјади квадратни метри во општина Берово, каде прв сосед му е токму Миле Јанакиески, кој има парцела од над 16 илјади квадратни метри.

„Двете парцели, на Јанакиевски и на Димовски, од 30 илјади квадратни метри, порано биле сопственост на Република Македонија. Па нема ли некој чесен и одговорен во белиот дворец за Мицкоски токму Димовски да го задолжи да зборува за одговорност и чесност? ВМРО ДПМНЕ нема кредибилитет да зборува за правда, одговороност и чесност, тоа за нив е непозната категорија. СДСМ ќе продолжи одговорно и отчетно да ја води државата. Секаде кадешто има законски или прекршувања на моралните норми ќе следува одговорност“, истакнуваат од СДСМ.

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе

На Македонија и Бугарија им треба дебата која ќе го унапреди историското разбирање без робување на идеологии, митологии и политики.

повеќе

Македонизмот често е мистика и точка на недоразбирање и меѓу Македонците и на Македонците со другите народи во и околу Македонија.

повеќе