Расправа за уставните измени

Димовски: Имаме план Б - Собранието да ѝ го одземе легитимитетот на Владата

План Б, како алтернатива за Преспанскиот договор е Собранието да го одземе мандатот на Владата за преговарање за промена на Уставот, потоа да се побара стратешко партнерство со ЕУ и НАТО, со сите права и обврски, освен правото на глас, сѐ додека не се реши прашањето околу името со Грција, рече на денешната собраниска расправа за уставните промени пратеникот на ВМРО-ДПМНЕ Илија Димовски.

Тој побара Собранието да го одземе легитимитетот на Владата да продолжи сама да работи за прашањето за името. Димовски ѝ забележа на власта дека не ја почитува волјата на граѓаните изразена на референдум и дека во текот на преговорите со Грција, власта ја исклучила опозицијата, па дури и за референдумското прашање. Тој кажа дека не треба да се оди со глава во ѕид и дека не треба да се гледа црно-бело на ситуацијата.

„Владата излегла надвор од мандатот кој го имала при процесот на склучување договор со Грција. Ако Владата сакала да оди надвор од својот мандат требало да побара поддршка од Собранието. Измената на 51 член и Преамбулата е нешто што некој ни во најлош сон не можел да го предвиди. Повикувам единствено нешто што ова Собрание може да констатира е дека овој предлог од Владата треба да се врати на документите од 2008 години кои се последни обврзувачки документи за оваа и за која било идна влада. Тоа е единствениот начин на кој може да се излезе од оваа ситуација во која сите се донесовме. Не обвинувам никого и не сакам никој да прифати вина на било што. Потоа да ги најдеме точките за кои можеме да најдеме консензус. Собранието да го одземе легитимитетот на оваа Влада да продолжи сама да работи на ова прашање“, рече Димовски и додаде дека е против промената на членот 49 кој се однесува на македонските малцинства.

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе