По веста дека Македонија ќе добие 119.000 дози Фајзер/Бионтек

Димитров: Во првата недела од мај ќе пристигнат 19.000 вакцини преку Австрија

Секретаријатот за европски прашања информира дека денеска стапува во сила трипартитниот договор помеѓу Северна Македонија, Австрија и Фајзер/Бионтек за набавка на 119.600 дози вакцини против ковид-19, но и дека со репрограмирањето на средствата од ИПА програмата не се исцрпени сите пари.Конкретните количини на вакцините ќе бидат испорачани во четири пратки, а првата со 19.000 дози се очекува во првата недела во мај.,

По најавата од Европската комисија во декември минатата година за обезбедување на механизам за распределба на вакцини за земјите од Западниот Балкан преку репрограмирање на ИПА средства во износ од 70 милиони евра, Секретаријатот за европски прашања информира дека денеска стапува во сила трипартитниот договор помеѓу Северна Македонија, Австрија и Фајзер/БиоНТек за набавка на 119.600 дози вакцини против ковид-19.

„Им благодариме на пријателска Австрија, на останатите земји членки и на Европската комисија за солидарноста. Оваа помош за македонските граѓани немаше да биде возможна без несебичното залагање на австрискиот министер за надворешни работи Шаленберг и еврокомесарот Вархеји, на кои би сакал и лично да им се заблагодарам, особено имајќи го предвид предизвикот за обезбедување на вакцини, како во ЕУ земјите членки, така и глобално“, истакна преку соопштение вицепремиерот Никола Димитров по повод доделувањето на помошта.

Со овој договор, се додава, не се исцрпуваат сите средства, со оглед на тоа дека во рамките на механизмот на Северна Македонија ѝ беа распределени 8,19 милиони евра. Владата, во соработка со Европската комисија, ќе продолжи со преговорите за потпишување дополнителни трипартитни договори до конечно исцрпување на грант средствата.

Оваа конкретна набавка ќе биде испорачана во четири месечни наврати, почнувајќи од првата недела во мај, кога се очекуваат околу 19.000 дози.

Австрија денеска соопшти дека планира до август да испрати 651.000 дози на вакцина против коронавирусот на Бионтек/Фајзер во шест земји од Западен Балкан, како дел од програмата на Европската Унија за помош на соседните земји и Африка, од кои 119.600 дози за Македонија.

„Со оваа иницијатива покажуваме дека не го оставаме регионот настрана“, изјави австрискиот министер за надворешни работи Александар Шаленберг на прес-конференција.

Австрија посредуваше во договорите меѓу Биотек /Фајзер и земјите приматели и најави дека тие ќе ја премостат исплатата на овие вакцини со свои 11 милиони евра. Дозите на вакцини, според Австриското МНР, ќе се плаќаат од средства за помош на ЕУ или потенцијалните земји кандидати.

Европа е решена да се ослободи од меката моќ на Москва (енергенсите), а и на дипломатско поле сака да и стави до знаење дека и за неа ќе има „црвени линии“. 

повеќе

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе

После десетици години се решава холдингот, неданочните давачки и царинските тарифи значајни за бизнисот.

повеќе