Посета

Димитров во Холандија: Пред 3 години бевме „заробена држава”, сема сме ретка надежна приказна

Министерот за надворешни работи Никола Димитров во рамки на активностите од првиот ден на работната посета на Хаг, денеска се сретна со Мајкл Стибе, дипломатски советник за Европа во канцеларијата на холандскиот премиер, Питер Омзихт и Клас Дајкоф, пратеници во Долниот дом на холандскиот Парламент, како и со поранешниот министер за надворешни работи Берт Кундерс и поранешната холандска амбасадорка во Македонија и актуелна амбасадорка за човекови права во МНР на Холандија, Мариет Шурман.

Од Министерството за надворешни работи соопштија дека на средбите со пратениците Омзихт и Дајкоф, Димитров накусо се осврнал на постигнатото во клучните реформски области. Притоа биле разменети информации во врска со последните политички случувања во земјата и за атмосферата од првиот круг на претседателските  избори. На средбата со Стибе било разговарано за направеното на домашен план и бил поздравен историскиот пресврт постигнат преку договорите со Грција и Бугарија.

„Ако пред три години бевме ‘заробена држава’, сега/денес сме ретка надежна приказна за вистински демократски пробив. Република Северна Македонија има направено доволно и е спремна да ја отвори следната врата од нејзиното европско патување по принципот ‘стриктно и фер’. Нашата цел е суштински да ги унапредиме процесите во општеството и да обезбедиме услови за подобар живот на нашите граѓани. Тоа најдобро можеме да го направиме преку отворање на пристапниот процес, негово суштинско почитување и темелна реформа”, изјавил Димитров.

На средбите со Кундерс и со Шурман се разговарало за преземените активности на земјата во изминатиот период во функција на обезбедување напредок во евроатланските процеси и актуелните домашни случувања. Се зборувало и за теми поврзани со заштитата на човековите права во Северна Македонија, при што било поздравено севкупното унапредување на состојбите но ова поле преку зајакнувањето на постојната законска рамка и усвојувањето на законот за антидискриминација.

За утре е најавена средба на Димитров со холандскиот министер за надворешни работи Стеф Блок. 

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе