За условите од Бугарија

Димитров: Прашањата за идентитетот на македонскиот народ не можат да бидат услов за нашиот пат кон ЕУ

Почитувањето на Договорот за добрососедство со Бугарија од двете страни ќе биде важен чекор во контекст на пристапните преговори со ЕУ. Во духот на европските вредности цениме дека двете страни треба да се воздржат од условувања кои не водат кон унапредување на добрите односи меѓу македонскиот и бугарскиот народ, вели министерот за надворешни работи Никола Димитров во изјава за Дојче Веле на македонски јазик и Радио Слободна Европа, коментирајќи ја поддршката од Бугарија за почеток на преговори со ЕУ на нашата држава со одредени дадени услови.

„Со Договорот за пријателство и добрососедство почнавме еден многу важен историски процес на спријателување и зближување. Ако сакаме да успее тој процес треба да постои разбирање за другиот. Разбирањето за заедничката историја, мора да оди заедно со разбирањето за денешнината и иднината. За нас е од суштинска важност нашиот македонски идентитет, ние сме македонски народ и зборуваме на македонски јазик”, изјавил Димитров.

Евроинтеграцискиот пат на нашата земја, како што вели, претставува заеднички успех, што е причина повеќе тој да биде мост при создавањето атмосфера на доверба и соработка каква што беше создадена при потпишувањето на Договорот за пријателство и добрососедство.

„Добрите односи и членството во ЕУ подразбираат заемно почитување на двата народа. Потребно е со заеднички сили да се работи на решенија кои ќе обезбедуваат почит и достоинство за двете страни, избегнувајќи изјави кои може да предизвикаат навреда или вознемиреност кај соседите. Сметаме дека не смее да биде доведена во прашање европската иднина на Северна Македонија и прашањата поврзани со идентитетот на македонскиот народ не може да бидат услов за нашиот пат кон Европа, особено не во 2019 година и не во ЕУ. Ние имаме право на самоопределување. Визијата на Софија ќе се поклопи со нашата визија, со заедничко разбирање за грижите на другиот. Историјата ќе не памти според тоа како сме се однесувале кон иднината, изјавил Димитров. 

 

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе