Јавна дебата во МАНУ

Димитров: Од нерешавање на спорот не трпат ни САД, ни Русија, ни Европа, ни Грција, најголемата штета е врз нас

Кој ја трпи најголемата штета од нерешавањето на спорот со Грција? Ниту САД, ниту Русија, ниту Европа, ниту Германија, ниту, пак, Грција. Штетата е врз нас, рече  министерот за надворешни работи Никола Димитров на денешната трета јавна дебата за четирите нацрт-амандмани на Уставот во согласност со Договорот од Преспа што се одржува во Македонската академија на науките и уметностите (МАНУ).

Димитров на дебатата кажа посочи дека ние не сме членки на НАТО, многу често пред нас стои ПЈРМ, никаде не стои македонски јазик и дека ние имаме најголем интерес да се заврши ова прашање.

„Со решавање на ова прашање сакаме да го затвориме поглавјето на идентитетските прашања, НАТО и ЕУ. Тоа се трите цели кои сакаме да ги постигнеме“, изјави Димитров и додаде дека на дебатата би сакал да слушне мислење за одредени предлози кои би можеле да станат дел од уставните измени.

Академикот Таки Фити кажа дека договорот ги зајакнува и зацврстува идентитетските прашања и оти со него се решава едно историско прашање. Според него, треба да се земат предвид сите придобивки од ова решение и овој спор, посочувајќи на евроинтеграциите, но и на економските придобивки. Фити, сепак, рече и дека во МАНУ нема едногласие по овие прашања, но и дека тоа е легитимно и кредибилно доколку се понуди алтернативно решение.

Според вицепремиерот за евроинтеграции Бујар Османи, Преспанскиот договор е историски договор постигнат во, како што кажа, една историска година за нас и дека тој ќе тргне еден голем камен што се провлекуваше со години. Османи укажа на позитивните аспекти од влезот во НАТО и ЕУ, но и на ризиците. Младите, како што кажа, нема да останат тука доколку не можат да ја планираат иднината, посочувајќи притоа и на безбедносните, но и на економските ризици.  

Миграција со достоинство (#WithDignity) е темата на Меѓународниот ден на мигрантите 2018 година, кој го одбележуваме во вторник (18 декември).

повеќе

Без оглед на фактот што од постоењето на уметноста постои и теорија и приказна за тоа, уметничкиот процес останува крајно неразбирлив.

повеќе

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе