„ЕК зазеде принципиелен став за јазикот“

Димитров не очекува проблематизирање на кодовите МКД и МК

Важно е што Европската комисија (ЕК) зазеде принципиелна позиција во однос на прашањето на јазикот. Од анализите на МНР, македонски јазик во документ на ЕК последен пат е спомнат во 2005 година, оцени министерот за надворешни работи, Никола Димитров.

„Околу рамката важно е што ЕК зазеде принципиелна позиција. Од анализите што ги направивме во МНР ние македонски јазик во документ на ЕК последен пат е спомнат во 2005 година врз основа на нашата апликација и одоговорот на прашалникот. Имаме цели 15 години и затоа е важно што ЕК врз основа на завршувањето на процесот во ОН и финализирањето на личната карта на земјата излезе непосредно потоа и по стапувањето во сила на Преспанскиот договор со меѓуинституционално упатство во смисла на името и терминологиите каде македонскиот јазик е македонски јазик и многу е важно што во дијалот сега меѓу земјите членки почетната позиција е принципиелна. Ние ќе настојуваме со соседна Бугарија да ги водиме работите така да бидеме успешни и во смисла на европските интеграции, и во смисла на прашање што не може да биде отворено во Европа во 2020 година. Македонскиот јазик е наша работа, тој е израз на нашето право на самоопределувањето и не можеме да зборуваме за европски интеграции ако ова е предизвик, како што не можеме да збориваме и за вистинско пријателство кое претставува меѓусебна почит“, рече Димитров на новинарско прашање по презентацијата на проектот Преспа форум.

Според него, втората фаза од процесот на преговори по претствувањето на предлог преговарачката рамка од страна на ЕУ продолжува со дебата меѓу земјите членки која ќе почне следната недела, а во овој контекст важно е вклучувањето на новата методлогија. Очекувањата се првата меѓувладина седница да се одржи за време на претседавањето на Германија, а во контекст и на Берлинскиот процес и Самитот кој со заедничко копретседавање со Софија треба да се одржи во октомври или ноември.

Во однос на МКД и МК кодот и најавите за проблематизирање за неговата примена од страна на Грција, Димитров рече дека тоа е прашање кое е дел од балансот на Преспанскиот договор.

„Балансот на сите елементи во Преспанскиот договор беше постигнат во долг процес на преговорање и конструкцијата на договорот е таква што менување на еден елемент значи оддалечување од тешко постигнатата рамнотежа. Согласно конечната спогодба сите елементи се задолжителни за двете страни и употребата на МКД или МК е задолжителна за сите употреби освен за табличките на автомобилите. Таа одредба не остава простор за поинакво толкување“, рече Димитров.

Неговата оценка е дека Преспанскиот договор во голем дел, особено за крупните нешта, се спроведува. Работите каде има застој бараат да се седне и да се разговара. Преспанскиот договор ги затвора сите прашања освен за трговските марски, интелектуалната сопственост и брендовите за кои остава тие да се решат со заеднички договорено решение.

Работата на комисиите на С. Македонија и Грција, вклучително и околу преминот Маркова нога е одложена поради пандемијата, но се очекува да се забрзаат работите штом се нормализираат условите за работа. Според анализите на нашата комисијата, целата работа за ставање во функција на овој премин може да се заврши за 1,5 година до две. Преминот Маркова нога, додава Димитров, како и Преспа форум центарот ќе значи големо заживување на овој регион.

Информацијата дека коронавирусот може да се пренесe преку допир со готовина, дополнително ги мотивираше луѓето да се ослободат од банкнотите. 

повеќе

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе