Димитров ќе учествува на конференцијата на „Економист“ во Атина

Во рамките на „23-та тркалезна маса со грчката влада“ организирана од „Економист“ во Атина, на панел дискусија посветена на предизвиците во надворешната политика, ќе учествува и министерот за надворешни работи Никола Димитров.

Конференцијата на „Економист“ започнува денеска, а Димитров ќе учествува на утрешната прва сесија на која ќе говори за Балканот по Договорот од Преспа и како енергетиката влијае на регионалната геополитика. Заедно со него, на панелот ќе учествуваат и алтернативниот министер за надворешни работи на Грција, задолжен за европски прашања Милтиадис Варвициотис, шефот на кипарската дипломатија Никос Христодулидис, поранешниот министер за надворешни работи на Грција Јоргос Катругалос и амбасадорот на САД во Грција, Џефри Пајат, јавува МИА од Атина.

Во текот на денешниот ден, на различни панел дискусии ќе учествуваат министри од новата грчка влада, шефот на ЕСМ Клаус Реглинг, но и поранешната помошничка државен секретар на САД Викторија Нуланд, поранешната шефица на грчката дипломатија Дора Бакојани, поранешниот италијански премиер Матео Ренци. Вечер, на гала вечера, главен говорник ќе биде поранешниот министер за внатрешни работи на Грција, Алексис Харицис.

Вториот ден од дводневната конференција ќе започне со панел дискусијата за надворешната политика на која ќе учествува Димитров, а во текот на денот, на различни сесии свои обраќања ќе имаат и поранешниот и актуелниот грчки министер за одбрана, но и други министри.

Конференцијата на „Економист“, односно „23-та тркалезна маса со грчката влада“ ќе заврши со гала вечера на која свое обраќање ќе има министерот за развој и инвестиции на Грција, Адонис Георгиадис.

 

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе