Министерот од Хелсинки

Димитров: Има индикации дека Јанева е инволвирана, но да ја почитуваме презумцијата на невиност

Министерот за надворешни работи Никола Димитров, пред почетокот на министерскиот состанок со ЕУ во Хелсинки, порача дека е подобро да се зборува за комплетирање на ЕУ наместо за нејзино проширување.

Запрашан за „противењето" на Франција за почетокот на преговорите со Северна Македонија и Албанија, Димитров рече дека според неговите информации Париз сѐ уште не заземал позиција по ова прашање и дека за неколку дена ќе отпатува во Франција на средби.

Не треба да зборуваме за проширување, туку за комплетирање затоа што регионот е целосно опкружен со земји членки на ЕУ, мапата на Европа ќе остане иста откако овие земји ќе се зачленат, нема да се прошири, и ако го направиме ова како што треба, сите ќе бидеме добитници, она за што се бори Макрон во ЕУ е она за што ние се бориме во регионот, се бориме за истите вредности, изјави Димитров во Хелсинки.

Министерот потсети дека процесот на проширување се заснова на индивидуални заслуги и дека не треба да се зборува за пакети земји, како што е случај за Северна Македонија и Албанија.

Најдобро е двете земји, две земји е подобро од една, но една е подобро од ниедна, а ние го немаме луксузот да пропуштаме шанси за успех, порача министерот пред почетокот на состанокот.

Новинарите не пропуштија да постават прашање и за случувањата околу Специјалното јавно обвинителство и разочарувањето кои тие го предизвикаа во однос на очекувањата за правда во земјата.

Зборувајќи за Катица Јанева, Димитров потсети дека таа е во притвор, но и дека треба да се почитува пресумпцијата на невиност.

„Сепак, има индикации дека е инволвирана што остава горчливо чувство бидејќи жедта за правда е огромна, она што е важно е дека кога проблемот е откриен, клучно е системот да реагира. Една личност не може да биде причина целата нација да се откаже, ние мораме да продолжиме, а патот е владеењето на правото“, рече Никола Димитров.

Димитров и неговите колеги од регионот се поканети на неформалниот состанок за надворешни работи на ЕУ кој се одржува денеска во Хелсинки под финско претседателство

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе