Средба во Солун

Димитров и Коѕијас подиректно ќе се вклучат во разговорите за името

Министрите за надворешни работи на Грција и на Македонија, Никос Коѕијас и Никола Димитров денеска имаа средба во Солун на која што се сложиле да имаат подиректна улога во разговорите со цел надминување на разликата околу името. 

„Средбата се одржа во рамки на воспоставениот дијалог и консултации меѓу двете земји, насочени кон зајакнување на транспарентноста и меѓусебната доверба. На средбата министрите имаа добар разговор фокусиран на унапредувањето на билатералните односи и соработката во поширок контекст, поврзано со тековните мерки за градење доверба“, соопшти МНР.

Коѕијас и Димитров, како што се додава, изразиле заедничко очекување дека на претстојниот состанок на 17 јануари, посредникот Метју Нимиц, ќе стави на маса инцијална рамка со која суштински ќе се напредне во надминувањето на разликата околу името.

„Двајцата министри разговараа за методологијата, за пристапот на двете страни, како и за рамката на процесот за надминување на разликата околу името, и се сложија да имаат подиректна улога во разговорите со цел надминување на разликата околу името“, се вели во соопштението во кое уште стои дека разговарале и за мерките за градење доверба и други подготовки околу следните средби на високо политичко ниво меѓу двете земји.

Средбата, според грчките медиуми, се одржала во „Македониа Палас“ во центарот на Солун, во голема тајност и под силни безбедносни мерки. 

На 20 јануари 2019 владата на САД веќе цел месец е делумно блокирана поради инсистирањето на Трамп да добие 5,7 милијарди долари од Конгресот за финансирање на неговиот расистички и средновековен пограничен ѕид.

повеќе

Луѓето се љубопитни суштества, колку и да го одрекуваат тоа.

повеќе

Институциите пристапуваат кон барањата на информации од јавен карактер со одреден сомнеж.

повеќе