Во ОБСЕ

Димитров: Граѓаните очекуваат многу и од Владата и од меѓународната заедница

Министерот за надворешни работи Никола Димитров денеска говореше пред Постојаниот совет на ОБСЕ каде што го претстави оптимизмот кој завладеа во македонското општество после долгата криза, но и пораснатите очекувања на граѓаните како од новата Влада, така и од меѓународната заедница во насока на долгоочекуваната реализација на аспирациите за европска и евроатлантска интеграција, информира МНР.

Димитров ја нагласил важноста од искреното соочување со предизвиците кои постојат во едно општество и ја елаборираше реформската агенда содржана во Планот 3-6-9.

Тој, исто така говорел за преземањата и плановите на домашен план во поединечни области како владеење на правото, изборен систем, силни, професионални институции, развој на здрави механизми на контрола, особено независно судство и слобода на медиуми.

„Димитров даде приказ и на новата визија при негување на односите со соседите и потребата од развивање на пријателства и меѓусебно разбирање“, се вели во соопштението.

За време на работната посета на ОБСЕ, Димитров се сретнал со генералниот секретар на Организацијата, Томас Гремингер, а, како што стои во соопштението, имал и кусо видување со специјалниот претставник на ОБСЕ за слобода на медиумите Харлем Дезир, при што биле разменети и мислења за идни активности и меѓусебната соработка и поддршка за реформските заложби на Владата.

 Во рамки на работниот престој на Виена, тој се сретнал и со генералниот секретар во Министерството за наворешни работи на Австрија, Михаел Линхарт.

 

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе

Да можеме Благуна да ја прашаме за нашите јадови околу текстот од Нивици, би ја зачудиле.

повеќе