Средба со еврокомесарот за проширување

Димитров до Вархеји: Не бегаме од задачи и поизострено оценување

Министерот за надворешни работи Никола Димитров денеска се сретна со Оливер Вархеји, комесар за европска соседска политика и преговори за проширување на ЕУ.

Посетата меѓу македонскиот министер за надворешни Димитров и еврокомесарот Вархеји, како што соопшти МНР, доаѓа во важен период кога новиот состав на Европската комисија официјално ја презеде функцијата и до крајот на јануари се очекува да го објави предлогот за ревидирана методологија за водење на пристапните преговори.

Димитров, како што се наведува, искажа благодарност за јавните изјави на претседателката на ЕК Урсула фон дер Лајен и на еврокомесарот Вархеји дека Северна Македонија ги исполнила условите и дека одлуката за почеток на пристапните преговори треба да се донесе без натамошно одлагање.

Димитров порача дека ние сме заинтересирани што побрзо да се објави предлог методологијата и се надеваме дека тоа ќе ги разреши сите дилеми и задоволително ќе ги отслика барањата на сите земји-членки за заживување и зацврстување на процесот на проширување. Иако се наоѓа во непосреден предизборен период и во технички капацитет, Владата, како што се наведува, ќе направи сè што е во нејзина моќ да испорача дополнителни резултати во поглед на имплементацијата на реформите со ЕУ предзнак.

„Донесувањето на одлуката за почеток на преговорите е од клучно значење. Северна Македонија направи сè што се очекуваше од неа за да се донесе заслужената позитивна одлука. Во изминатиот период, промените во земјата се видливи, иако сè уште имаме предизвици на кои посветено работиме. Почетокот на преговорите ќе придонесе досегашните резултати да бидат валоризирани, но и да имаме поттик за продолжување со посуштински реформи. Сметаме дека со нашето досегашно ЕУ искуство постигнавме високо ниво на подготвеност и усогласеност со законодавството на ЕУ. Северна Македонија не бега од задачи и поизострено оценување. Напротив, нетрпеливо сака да започне да се докажува и не и пречи запирање на процесот во случај на назадување во реформите“, изјавил Димитров. 

Димитров на средбата истакнал дека со комесарот Вархеји ќе работат на следните чекори и оти заедно се согласиле да внесат поголема динамика во меѓусебните размени за постигнување на заедничката цел.

Вархеји денеска оствари одвоени средби со лидерот на СДСМ Зоран Заев и со лидерот на ВМРО-ДПМНЕ Христијан Мицкоски. 

Најголемата закана од оружје засновано на ВИ не доаѓа од поединечни земји. Заканата ќе дојде од недржавни актери.

повеќе

Потребно е неодложно формирање на државен фонд кој ќе овозможи во прв момент преживување во оваа ситуација...

повеќе

Во време кога пандемијата на коронавирусот и понатаму е вон контрола, најдобар економски исход на кој би можеле да се надеваме е рецесија која ќе биде подлабока од онаа со финансиската криза во 2008 година. 

повеќе