Димитров до Белиард: На Македонија ѝ треба поддршка од европските лидери

Европските перспективи на  Република Македонија и на земјите од регионот беа тема на средбата на министерот за надворешни работи Никола Димитров со Жан-Кристоф Белиард, заменик генерален секретар на Службата за надворешни работи при ЕУ (EEAS). Средбата се одржа во рамките на состанокот на политичките директори за еворпски прашања на земјите од Западен Балкан чиј домаќин беше македонското МНР. 

Во пресрет на настаните во рамките на Унијата во првата половина од годинава, вклучувајќи ги Стратегијата на претседателот на ЕК Јункер за проширувањето на ЕУ во февруари 2018, извештаите на ЕК за напредокот на земјите во април 2018 и самитот ЕУ – З. Балкан во Софија за време на Бугарското претседателство со Советот на ЕУ во мај, Димитров, како што соопшти МНР, го запознал соговорникот за постигнувањата на Република Македонија во имплементацијата на внатрешните реформи и унапредувањето на добрососедските односи. 

“И покрај секојдневните предизвици, охрабрен сум од реформското темпо во дел од клучните сектори на нашиот европски пат. Ја искористивме кризата за да пораснеме и пред нас е перспектива која не смееме да ја пропуштиме. Имаме шанса за сериозен исчекор”, изјавил Димитров.

Тој, исто така говорел и за плановите и очекувањата на Владата во претстојниот период и ја истакнал потребата од поддршка за Македонија од страна на европските лидери, институции, како и од и државите членки, со цел постигнување на заложбите за отпочнување на пристапните преговори за членство во ЕУ. 

Ова повеќе не е „бегалска криза" ниту „криза за управување со бегалци". Сега веќе е хуманитарна криза по сите дефиниции.

повеќе

Али Ахмети на средбите со Тачи и Харадинај изразил уверување дека македонските Албанци се подготвени да имаат блиска соработка со Косово во насока на проширување на влијанието на албанскиот фактор.

повеќе

Сега треба лидерите во Скопје, Атина, Брисел, па дури и во Вашингтон да осигурат дека храброста што ја покажаа македонските граѓани нема да биде залудна.

повеќе