За германски „Тагесшпигел”

Димитров: Целта ни е Македонија да ја направиме европска

Министерот за надворешни работи Никола Димитров, смета дека ЕУ на крајот на идната година ќе отпочне пристапни разговори со Македонија.

„Со оглед на нашите успеси, сакаме да постигнеме, на земјите членки на ЕУ да им е скоро невозможно, да не постигнат консензус за почетокот на пристапните разговори“, вели Димитров во интервју за германскиот весник „Тагесшпигел”

Но, според него, за Македонија, процесот на пристапување кон ЕУ е поважен од возниот ред. 

„Наша највисока цел не е пристапувањето кон ЕУ, заради самото тоа, туку ние сакаме да го искористиме процесот на пристапување, за да ја направиме земјата европска“, изјвил Димитров.

Земјите членки на ЕУ идната година ќе одлучуваат дали да се отпочнат пристапни преговори со Македонија и Албанија. Европската Комисија се залага за тоа, и понатаму да го стабилизира Западниот Балкан и да делува спротивно на зголеменото влијание на Русија, Турција и Кина во Регионот, пишува весникот. 

Димитров, кој во четвртокот во Берлин се сретна со сојузниот министер за надворешни работи Хајко Мас (СПД) на работен доручек, во разговорот за „Тагесшпигел” укажал на успесите во деценискиот спор за името со Грција, кој досега го блокираше пристапувањето на неговата земја во ЕУ и НАТО. Сега, според весникот, Димитров делувал убеден, дека и кај завршното гласање во Собранието ќе биде обезбедено потребното двотретинско мнозинство. 

 

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе