Дерковски: Изборниот список во ред, ДИК е спремна и за избори и со отворени листи

Државната изборна комисија е подготвена да спроведе парламентарни избори по кој било модел за кој би бил постигнат договор меѓу политичките партии, вклучувајќи и модел со отворени изборни листи, изјави денеска претседателот на ДИК, Оливер Дерковски.

Според Дерковски, ДИК како институција е подготвена, функционира континуирано и подготвени се да го спроведат она што ќе го договорат политичките партии.

Во врска со тоа кој изборен модел, според него, би бил најдобар, Дерковски вели дека неговото мислење во суштина и не е релевантно, бидејќи тоа е договор на политичките партии.

Тој уште додаде дека Избирачкиот список е во ред и оти во него нема т.н. фантомски гласачи.

„Тоа е материја што постојано и континуирано се чисти, прочистува и обработува. Како што ги добиваме податоците од МВР на квартално ниво, така ги обработуваме. Се разбира дека во список во кој има над 1,8 милиони избирачи ќе може да се најде некоја недоследност, но сето тоа е сведено во една разумна рамка. Ние постојано работиме и во овој момент кога е празен период и нема избори работиме на прочистување на Избирачкиот список”, рече Дерковски, одговарајќи на новинарски прашања пред презентацијата на Извештајот за мониторингот на Претседателските избори во 2019 година спроведен од страна на набљудувачи со попреченост.

Во врска со гласањето на дијаспората, претседателот на ДИК, вели дека како Комисија би сакале да има промени, но во рамки на овозможување нови начини за гласање, за, како што вели, да се заштедат финансиски средства.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе