Претседателски избори 2019

Деркоски: Спроведуваме изборен процес, сѐ е во ред, не се занимаваме со дневно- политички шпекулации

Претседателот на Државната изборна комисија, Оливер Деркоски не ги коментира информациите за наводни списоци што се појавиле на руски сајтови, изјавувајќи дека нема намера да се занимава со шпекулации од дневно-политички карактер.

„Во земјава денеска организираме и спроведуваме изборен процес. Сѐ тече како што треба и е во ред. Со шпекулации од дневно-политички карактер ниту сакам, ниту имам намера да се занимавам“, рече Деркоски на прес-конференцијата во ДИК.

Тој пред медиумите појасни дека новите осум приговори што пристигнале до ДИК се однесуваат главно на гласачи кои немале важечки документ и ги немало во избирачкиот список.

Во однос на избирачкото место во Рамни Габер, Студеничани, кое не беше отворено навреме, Деркоски ја повтори информацијата што претходно ја кажа портпаролката на ДИК Љупка Гугучевска, дека според извештајот на ОИК се работи за револт на граѓаните кон локалната власт.

„Од тие причини избирачкото место не беше отворено повеќе од три часа. Согласно Изборниот законик таму не може да се одржи гласањето“, рече претседателот на ДИК.

Некои од новинарските екипи се пожалија дека не можеле да го проследат гласањето на избирачки места зашто им биле барани акредитации, на што Деркоски беше дециден дека со тоа и практично се покажуваат слабостите на нашиот избирачки систем.

„Се покажува на дело најголемата слабост на нашиот избирачки систем и на избирачките одбори од почетокот на кампањата и распишувањето на изборите. Сите ОИК добија насока дека акредитациите од медиумските куќи се доволни за присуство на избирачките места кога станува збор за домашните медиуми. Акредитации се потребни само за странските новинари. Испечативме прирачници, снимивме видео прирачници и извршивме обуки максимално транспарентно, но не сите си ја сфаќаат одговорно задачата. Се знае точно што и како може да се прави на избирачкото место. Доволно е да се отвори прирачникот што стои на бирото“, вели Деркоски.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе