Денеска во Собранието на дневен ред е ратификацијата на Протоколот за НАТО

Во 15 часот во Собранието на Македонија е закажана пленарна седница на која пратениците  ќе го ратификуваат Протоколот за членство на Македонија во НАТО.

Свеченоста ќе почне во Собранието во 12:45 часот, кога ќе пристигне и првиот гостин, д-р Мирослав Туѓман, пратеник и шеф на Хрватската делегација во Парламентарното Собрание на НАТО. Освен Туѓман, на свеченоста ќе присуствуваат и Атила Местерхази од ПС-НАТО, како и Василика Хуси, потпретседателка на Парламентот на Албанија, Цвета Карајанчева, претседателка на Националното собрание на Бугарија, како и Генци Ниманбегу, потпретседател на Парламентот на Црна Гора.

На седницата која ќе започне во 15 часот ќе се обрати претседателот на Македонија, Стево Пендаровски, потоа премиерот Оливер Спасовски, координаторот на пратеничката група на СДСМ, Јован Митревски, лидерот и пратеник на ДУИ, Али Ахмети, по што ќе се обрати координаторот на пратеничката група на ВМРО-ДПМНЕ, Никола Мицевски.

Во име на Независната пратеничката група на ВМРО-ДПМНЕ ќе се обрати пратеничката Нола Исмајлоска Старова, потоа пратеникот на Алијанса на Албанците, Сурја Рушиди, лидерот и пратеник од Алтернатива, Африм Гаши, пратеникот од Беса, Фадил Зендели и Мерал Ферати од ДПА.

Последен ќе се обрати претседателот на Собранието, Талат Џафери, по што на пратениците ќе им се обрати претседателот на Парламентарното Собрание на НАТО, Атила Местерхази.

Откако и официјално ќе се ратификува Протоколот, пред Собранието свечено ќе биде подигнато знамето на НАТО. Ратификацијата има одложено дејство, односно ќе стане официјална откако и Шпанија ќе се согласи за членството на Македонија во НАТО, што се очекува да се случи во март.

Македонското Собрание треба неделава да се распушти поради изборите кои се закажани за 12 април.

За жал во овие тешки времиња некои политичари се занимаваат и со вируски патриотизам: на корона не сме се обратиле мултилингвално.

повеќе

Кога кризата со коронавирусот ќе заврши, светот повеќе нема да биде ист, концептот на неолиберализмот ќе биде редизајниран.

повеќе

Благодарејќи на коронавирусот, граѓаните го видоа вистинското лице на  оваа натприродна организација, наречена државна администрација. Алчна, себична, несолидарна, нечувствителна.

повеќе