Министерство за правда

Денеска продолжуваат разговорите за ЈО меѓу власта и опозицијата, ставовите се приближуваат

Работните групи на власта и на опозицијата денеска ќе ги продолжат разговорите за законот за Јавно обвинителство, со кој треба да се реши идниот статус на СЈО, потврдија за МИА од Министерството за правда. На последната средба одржана во понеделникот во Владата беше постигнато одредено приближување на ставовите за две прашања – за зголемувањето на буџетот на обвинителството и изнаоѓањето модуси за поголема одговорност на вработените и обвинителите.

Заменик министерот за правда Оливер Ристовски по средбата  изјави дека со опозицијата биле отворени темите за финансирање на обвинителството воопшто и темата за одговорноста на обвинителите.

„Тука имаме приближување на ставовите, во делот на зголемувањето на буџетот што би го имало обвинителството во Република Северна Македонија. Разговаравме и за изнаоѓање модуси за поголема одговорност на вработените и на самите обвинители. Имаме приближување на ставовите, мислам дека тука можеме да изнајдеме заедничко решение во законот“, рече заменик министерот Ристовски.

Тој најави дека состаноците и разговорите за законот за Јавното обвинителство, кој е во собраниска процедура, а за кој меѓународната јавност даде позитивна оценка за текстот, ќе продолжат и во текот на оваа недела и дека измените кои ќе се договорат, ќе одат амандмански во Собранието.

 И претставникот на ВМРО-ДПМНЕ, пратеникот Антонијо Милошоски изрази задоволство бидејќи, како што рече, средбата била конструктивна и се договориле околу финансирањето на обвинителството и за поголема одговорност на обвинителите.

„За двете прашања што денеска беа отворени е постигнато приближување на ставовите. Првото е начинот на финансирање и зголемување на буџетската независност на државното Јавно обвинителство, каде што гледаме дека горе – долу имаме некои слични концепти и приближување на ставовите и второто е зголемувањето на одговорноста на самите обвинители како поединци,  но исто така и на обвинителствата како структури“, рече Милошоски.

 Премиерот Зоран Заев во изјави за медиумите деновиви неклкупати изрази надеж дека ќе се најде решение, дека власта веќе прифатила повеќе предлози на опозицијата и оти го разгледува законот предложен од ВМРО-ДПМНЕ. Заев ја отфрли можноста за условување на поддршката од опозицијата за законот со одржување предвремени парламентарни избори.

За Предлог – законот за Јавно обвинителство што го предложи Владата, претседателот на Собранието Талат Џафери закажа седница на 27 август.

Предлог-законот, за кој е потребно двотретинско мнозинство е со европско знаменце и ќе се носи по скратена постапка.

Еврокомесарот Јоханес Хан на последната посета на Скопје рече дека донесувањето на законот за јавно обвинителство е услов за датум во октомври.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе