Ден порано и во вториот изборен круг

Денеска гласаат болните, лицата во изолација поради ковид-19, немоќните и затворениците

Денеска, ден пред утрешните избори, гласаат затворениците, лицата во притвор, болните лица, лицата кои се лекуваат од ковид-19 и оние на кои им е одредена мерка самоизолација, како и немоќните лица. За лицата кои гласаат во своите домови, гласањето ќе го спроведе посебен избирачки одбор формиран од ДИК, а затворениците гласаат таму каде што ја издржуваат казната.

Лицата кои се на издржување казна затвор или се во притвор гласаат во казнено-поправните домови. Лицата кои се на издржување мерка куќен притвор ќе гласаат во местото каде ја издржуваат мерката, внатрешно раселените лица гласаат во колективните домови и прифатните центри каде се сместени. Еден ден пред денот определен за одржување на изборите гласаат и лицата кои се згрижени во посебни установи за вонсемејна грижа. Тие гласаат во установата каде се згрижени.

На полноќ заврши изборната кампања во која партиите и коалициите ја претставуваа својата понуда пред граѓаните, и на полноќ почна молкот пред неделниот втор круг од локалните избори. Во вториот круг ќе се гласа во вкупно 44 општини. Право на глас имаат 1.353.990 избирачи на 2.481 избирачко место.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе