Делегацијата на ЕУ во Скопје: Ако сме прислушувани, тоа значи прекршување на Виенската конвенција

Во официјална реакција на делегацијата на ЕУ во Скопје изразува длабока загриженост по денешните информации дека биле прислушувани и амбасадори.

Ако дипломатската коресподенција била пресретнувана, тоа претставува прекршување на одредбите на Виенската конвенција од страна на земјата домаќин, се вели во реакцијата. ЕУ веќе ја изрази јавно својата длабока загриженост од индикациите за прислушување од широк обем од непознато потекло и легалност.

Ова треба да биде испитано од истражните власти на транспарентен и независен начин, се вели во реакцијата на канцеларијата на ЕУ во Скопје.

Најмалку 6 амбасадори биле прислушувани, изјави денеска Зоран Заев, шефот на СДСМ. И италијанскиот амбасадор во Македонија во интервју за Радио слободна Европа изјави дека бил информиран од шефот на СДСМ дека неколку актуелни и неколку поранешни амбасадори биле прислушувани.

Работите во Македонија забегаа до тој степен што за нив мора да се пишува отворено, „револуционерно“.

повеќе

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе