Реакција од Белград

Дачиќ за изјавите на Заев: Не ја прогласувајте бугарската окупација за администрација

Зоран Заев не е политички наивен и знае дека неговите неодамнешни изјави за Бугарија не се точни, вели претседателот на српското Собрание, Ивица Дачиќ.

Дачиќ во емисија на српската ТВ Пинк изјави дека на Заев му треба согласност на официјална Софија за да започне преговори за членство во ЕУ, но второто прашање е до каде ќе оди Заев.

Дачиќ реагираше на изјавата на македонскиот премиер Заев дека Југославија ги држела разделени Македонија и Бугарија и дека во Македонија имало бугарска администрација за време на Втората светска војна.

„Не ја прогласувајте бугарската окупација за администрација. Бугарите беа на страната на нацистичката Германија на Хитлер, а ние на југот знаеме колку беа тешки бугарските злосторства. Тие (Македонија) со тоа плукаат по нивната антифашистичка борба. Еве, Југославија ја нема повеќе, што чекате. Ако толку многу сакале да се прегрнат, не би чекале до 2020 година “, рече Дачиќ.

Тој додаде дека не би сакал никој да помисли дека жали за Југославија, која, како што вели, ја сака, но изјави дека денот кога е создадена бил несреќен ден за српскиот народ.

 

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе