БЕЛГРАД

Дачиќ: Персоналот се враќа во амбасадата во Скопје идната недела, амбасадорката подоцна

Министерот за надворешни работи на Србија, Ивица Дачиќ најави дека државата ќе ги преземе сите мерки за заштита на српските интереси во Македонија и истовремено ќе преиспита својата способност и капацитети за извршување на работата во актуелните услови во Македонија. 

„Веќе идната недела по состанокот што ќе го имаме овде, а ќе имаме состанок и со претседателот Александар Вучиќ, дел од нашиот персонал ќе биде вратен во Скопје , а амбасадорката ќе се врати подоцна, кога ќе ги завршиме сите консултации кои што имаме намера да ги спроведеме овде во Белград“, рече Дачиќ за агенцијата Танјуг.

Тој изјави дека вчера го информирале Министерството за надворешни работи на Македонија дека го повлекле целиот персонал на амбасадата на итни консултации во Белград, бидејќи  недвосмислено е утврдено, со јасни докази, зајакнато офанзивно разузнувачко дејствување кон Република Србија во целина и српската амбасада, во кое е присутен и странски фактор.

„Сакаме добри односи со Македонија, сакаме да градиме добри односи, но нашата обврска е да ги заштитиме нашите интереси и во согласност со тоа ќе ги примениме основните дипломатски принципи во меѓународните односи”, вели Дачиќ.

Гувернерот, кој и да е, не е ничиј должник. Ниту на предлагачот, ниту на тие што ќе го изгласаат.

повеќе

Родовото прашање е клучен двигател за резултатите на здравството.

повеќе

Постојат повеќе административни и технички решенија против плагијаризам што се применуваат од издавачите и универзитетските менаџменти, а понекогаш и државните власти, како што е случајот во Македонија. 

повеќе