Ципрас ја смирува Грчката црква, Мицотакис го критикува за тајна дипломатија за името

Грчкиот премиер Алексис Ципрас го смирувал поглаварот на Грчката православна цркава, архиепископот Јеронимос дека владата ќе ги штити националните интереси на земјата во решавањето на спорот за името. 

„Што се однесува до прашањето за нашите односи со БЈРМ, дозволете ми да ве уверам дека мојата влада е решена да се справува со него со чувство на национална одговорност, цврста одбрана на националните интереси и градење односи на мир, соработка и пријателство со сите луѓе во регионот“, напишал Ципрас во писмото до архиепископот откако Светиот синод на Грчката црква соопшти дека нема да прифати употреба на терминот Македонија во решението за името.

Ципрас, како шро пренесува „Грикрипортер“, уште додал дека владата ќе ја земе предвид загриженоста на Црквата и повикал на национално единство.

И додека премиерот ја убедува Црквата, лидерот на опозициската Нова демократија ја критикува владата дека наместо да се стреми кон национален консензус, води тајна дипломатија, без да ги извести партиите.

Кирјакос Мицотакис, за време на неговата турнеја во Северна Грција, на средбите со граѓаните и градоначалниците, говорел и за прашањето за името и ја споменал и средбата на двајцата министри за надворешни работи, велејќи дека слушнал дека Коѕијас е во Солун за да се сретне со Димитров.

„Не знаеме што разговараат, не знаеме за што преговараат, не знаеме што имаат дадено, што земале. Не знаеме ништо“, изјави рече Мицоткаис.

Тој, како што пренесува МИА, порачал дека владата треба да запре со постапките кои ги делат Грците.

„Од овде, од најсеверната граница на земјата, сакам уште еднаш да ја повикам владата, одговорно да ја извести опозицијата за важното прашање за името на Скопје и конечно да запре да се занимава со тајна дипломатија. Исто така, барам од владата да запре да ги дели Грците. И да запре, луѓето што имаат посебна чувствителност за прашањето за името на Скопје, да ги поистоветува со радикалната десница“, изјавил Мицотакис. 

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе

Литературните дејци отсекогаш биле предвесници на некое ново време. Немале натприродна моќ да ја предвидат иднината.

повеќе

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе