Чувајте се од руски тролови и сомнителни кинески инвестиции, ни порача Помпео

Американскиот државен секретар Мајк Помпео на вчершните средби со претседателот Стево Пендаровски и со премиерот Зоран заев во Охрид јасно порача дека САД се стратешки партнери на земјава, ја поддржа интеграцијата во НАТО и во ЕУ, потсети дека. Неопходно зацврстување на правната држава, владеењето на правото, борбата со корупцијата, но и предупредување за обидите за руско и кинеско влијание во регионот.

„Убеден сум дека Северна Северна Македонија ќе биде силна земја сојузник во НАТО и сигурен сум дека Сенатот на САД оваа есен ќе го одобри Протоколот за членство, со што и формално ќе ви посакаме добредојде во Алијансата”, рече Помпео.

Тој говореше за придобивките од Договорот од Преспа и Спогодбата за пријателство со Бугарија и се заблагодари за учеството на нашата армија во мисиите заедно со војската на САД, во Ирак, во Авганистан и борбата против ИСИС.

„Како водечка демократија во светот САД ги поддржуваат државите кои се борат за владеење на правото и борбата против корупцијата. Ги поздравуваме чекорите што ги презема вашата Влада во борбата со корупцијата и сите оние кои ги прекршиле законите и ја злопупотребиле јавната доверба. Борбата со корупцијата е од клучна важност за вашата НАТО и ЕУ интеграција, но уште повеќе за вашата демократија и за граѓаните”, изјави Помпео.

Американскиот државен секретар предупреди дека земјата треба да се чува од обидите на Русија и на Кина за неметнување на нивното влијание во регионот. Треба да се водите, рече тој, од желба за напредок, а не од руски ботови, тролови и социјални медиуми.

„Претседателот Трамп во ОН рече дека иднината им припаѓа на суверени и независни држави, кои ги штитат своите граѓани и ги почитуваат соседите. Северна Македонија го одразува овој дух. Ние би сакале Северна Македонија да биде слободна и без долгови. САД ќе продолжат да бидат ваш партнер за доброто на вашите граѓани, на регионот и на светот”, порача американскиот државен секретар Мајк Помпео на заедничката прес-конференција со премиерот Зоран Заев во Охрид.

За шефот на државата Пендаровски и за премиерот Заев, посетата на државниот секретар Мајк Помпео во исклучително важен период за нашата земја, е силен сигнал за поддршката на нашите евроатлантски интеграциии потврда за пријателството меѓу САД и Северна Македонија.

Македонија беше четвртата етапа од мини-европската турнеја на американскиот државен секретар. Тој во земјава допатува од Црна Гора, а претходно беше во посета на Италија и на Ватикан. Од Охрид вчера попладне Помпео отпатува во официјална посета на Грција.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе