Неразјаснет скандал

Човек од кабинетот на министерот Горан Милевски го следел новинарот Героски

Откако Основното јавно обвинителство до денеска не излезе со детали за пријавата на новинарот Бранко Героски за негово следење, тој денеска на Плусинфо објавува дека за овој скандал има изјава од министерот за локална самоуправа Горан Милевски.

Во изјава пред министерот за внатрешни работи Оливер Спасовски, Милевски потврдил дека човек од неговиот кабинет ги следел него и Героски. Врз основа на оваа изјава МВР поднело и службена белешка до Јавното обвинителство. Оваа пријава е во фаза на барање на ЈО од МВР на некои дополнителни документи.

Обвинителството ги чека од МВР доказите за следењето на новинарот Героски. Тој смета дека ова следење следува по неговите текстови за скандалите со случаите Рекет и Рекет 1. Од ОЈО велат дека се работи на овој предмет, но се чекаат доказите за кои е издадена наредба до МВР, по која уште се постапува.

Останува нејасно по чиј налог човекот од непосредната близина Милевски го следел Героски.

Од текстот на Героски произлегува дека за овој скандал уште од самиот почеток биле запознати премиерот Зоран Заев, министерот Спасовски и тројца странски дипломати.

Заев и Спасовски го уверувале Героски дека тие воопшто не се поврзани со евентуална наредба за негово следење. Спасовски рекол дека не знае дали ова некој од неговото министерство го правел на своја рака. 

Кодификацијата на бугарскиот јазик се случила цели шест месеци и 25 дена покасно од кодификацијата на македонскиот јазик.

повеќе

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе