Љубљана

Церар до Џафери: Примерот на Македонија за стабилен и безбеден регион

Словенија безусловно ја поддржува Македонија во сите нејзини напори на билатерален и мултилатерален план и во таа насока ќе продолжи и во иднина особено кога станува збор за отпочнување на процесот за преговори за членство во Европската Унија, му порачал словенечкиот министер за надворешни работи Миро Церар на претседателот на македонското Собрание Талат Џафери, кој е во официјална посета на Љубљана.

„Министерот Церар потенцираше дека примерот на Македонија во насока на унапредување на односите со соседите и надминување на отворените прашања на мирен и конструктивен начин е позитивен како за целиот регион, така и за идните генерaции затоа што ќе им овозможи да живеат во мирна и безбедна средина, интегрирана во НАТО и ЕУ“, соопшти службата за информирање на македонското Собрание.

Џафери, како што се наведува во соопштението, истакнал дека Парламентот посветено работи во насока на исполнување на сите неопходни реформи со активна вклученост на опозицијата и информирал дека во моментот во Македонија се одвива скрининг, по што следи усогласувањето на домашното законодавство со тоа на ЕУ.

На средбата Џафери посочил дека Македонија и покрај тоа што била оценета како земја која ги исполнува стандардите за членство во НАТО уште во 2008 година, сепак поради спорот со името, долго била пред вратите на НАТО и Европската Унија, но оти парламентарното мнозинство и Владата успешно ги надминале отворените прашања со соседите при што се затворени две прашања со Република Грција и Република Бугарија.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе