Царовска во ОН: Со конкретни мерки го унапредуваме статусот на жените и девојчињата во Македонија

Министерката за труд и социјална политика, Мила Царовска учествува на 62-та сесија на Комисијата за статусот на жените на ОН и во своето излагање во Генералното собрание на ОН, рече дека, како земја кандидат за членство во ЕУ, Република Македонија се приклучува на изјавата на Унијата која се однесува на статусот на жените и ја споделува определбата да се засилат напорите кон трајна и трансформативна промена на животот на секоја жена и девојка во светот.

Царовска, како што соопшти МТСП, нагласила дека Министерството ја презема улогата на лидер во обликување на политиките, координација  и одговорност на Владата на Република Македонија во однос на агендата за родова еднаквост и  еманципација на жените.

„Преземени се значајни чекори во насока на искоренување на сиромаштијата кај жените. Така, со промена на законот за минимална плата се изедначуваат платите за сите економски сектори и се намалува разликата во платите меѓу мажите и жените. Со овие промени ги опфативме работниците од текстилната индустрија, од кои 80% се жени“, изјави Царовска.

Таа додала дека Република Македонија во декември ланиатата година, ја ратификуваше Конвенцијата на Советот на Европа за превенција и борба против насилството врз жената и семејното насилство 

Царовска учествува како панелист и на настанот „Трансформативно финансирање за родова еднаквост“, а ќе има излагање и во рамки на министерската панел дискусија на тема: „Забрзување на имплементацијата на Пекиншката декларација и Платформата за акција и постигнување конкретни резултати до 2020 година“.  

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе