Американската амбасадорка за Алсат М

Брнс: Заев да бара одговорност од сите владини претставници

САД поддржуваат темелна, брза и транспарентна истрага во сите случаи каде што постојат тврдења за корупција и злоупотреба на функцијата. Исклучително е важно, во секој случај со вакви тврдења, тие поединци да бидат повикани на одговарост, а Владата да презема дејствија. Ги уважуваме и ги поздравуваме чекорите што ги презема Владата за ставање крај на корупцијата и во борбата против неказнивоста, изјави американската амбасадорка Кејт Брнс во интервју за телевизијата Алсат М.

„Ние ќе продолжиме да го поттикнуваме премиерот Заев да бара одговорност од сите владини претставници и да гарантира дека без оглед на нивото на функцијата, луѓето треба да имаат доверба во владините институции и тоа што тие можат да сторат за нив”, вели Брнс на прашањето за случајот „Рекет”.

Таа додава дека САД ги следат актуелните случувања и поддржуваат силно, независно обвинителство и дека е важно да се зачуваат капацитетите на Специјалното обвинителство.

„Тоа ќе им даде јасен сигнал на граѓаните на Северна Македонија и на меѓународната заедница дека Северна Македонија е целосно посветена на унапредување на владеењето на правото. Исто така, тоа е извонредно достигнување важно за процесот на пристапување во НАТО и во ЕУ”, рече американската амбасадорка.

За време на нејзиниот мандат, како што изјави, ќе има три приоритетит. Првиот е да ја промовира стабилноста преку силни институции и да продолжи да ги поддржува понатамошните напори на Владата за реформи и за зајакнување на владеење на правото. Вториот е поддршка на напредокот преку нивните програми за помош, како и преку партнерство со приватниот сектор, а третиот е зголемување на заедничката безбедност преку соработка во областа на одбраната. 

 

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе