Влада

Бошњаковски: Воинот на коњ ќе биде споменик на Александар Македонски од хеленскиот антички период

Државните институции, оние кои се финансираат од државата, ќе мора да се прилагодат и да го следат духот на договорот со Грција, одговори портпаролот на Владата Миле Бошњаковски на прашањето за евентуална промена на имињата на АРМ, МАНУ, МРТ, МНТ... Средбата Заев-Ципрас ќе се одржи викендов.

За инфомациите за некои нови имиња или преселби на спомениците од проектот Скопје 2014, Бошњаковски рече дека спомениците остануваат таму каде што се и ќе претствуваат симбол на пријателството.

„На спомениците ќе се стават натписи со појаснување. На пример Воинот на коњ ќе се вика споменик на Александар Македонски со објаснување дека е симбол на хеленскиот антички период и останува како симбол на пријателството меѓу Македонија и Грција.  Истото ќе важи и за споменикот на Филип 2 и Олимпија. Сите споменици ќе бидат обележани во насока на зајакнување на пријателството. Не се срамиме да ги нарекуваме спомнениците такви како што се“, Бошњаковски.

Тој рече дека основата на договорот е како Грција го толкува и поимува терминот Македонија.

„Тие го прифатија како ние го поимуваме и толкуваме терминот Македонија. Се прави јасна дистинкција што е прифатливо за нас и што е прифатливо за нив. Ние сме Македонци. Официјалното ново име ќе биде преведиено на сите јазици. Македонскиот јазик е утврден во ОН и тој останува таков, нема да постои фуснота во ОН. Во договорот постои член во кој велиме дека македонскиот јазик е дел од јужнословенските јазици. Останува македонскиот јазик“, рече Бошњаковски. 

Портпаролот на Владата појасни дека државните симболи не беа дел од преговарачкиот процес и дека химаната и другите симболи не се менуваат.
„Ова е клучен, историски момент за граѓаните на Република Македонија, пред нас е европерспективата, членството во НАТО. Сите политички субјекти на Република Македонија ќе бидат свесни и ќе знаат во каква политичка состојба се наоѓаме. Ние имаме конструктивен приод. Таа е насоката", рече Бошњаковски и додаде дека договорот ќе биде објавен откако ќе се разгледа и усвои на владина седница.

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе

Како граѓани на независна и суверена Република Македонија веќе се навикнавме постојано да живееме во секојдневни тензии и стресови.

повеќе