Загреб

Борисов објави видео од средбата, Мицкоски му ветил дека членството во ЕУ е стратешка определба на партијата

Христијан Мицкоски, лидерот на ВМРО-ДПМНЕ, во Загреб на Конгресот на Европската народна партија оствари средба со бугарскиот премиер Бојко Борисов и претседател на партијата ГЕРБ, кој на својот фејсбук-профил објави видео од почетокот на состанокот. Од видеото се слуша како Борисов уште на самиот почеток на разговорот го прашува Мицкоски за Договорот за пријателство и добросеоседство со Бугарија.

„Кога Бугарија влегуваше во ЕУ - и комунисти, и либерали и десни - имаше народен консензус за тоа дека патот на Бугарија е во НАТО и ЕУ. Затоа многу ми е важно да знам што мисли нашата сестринска партија за Северна Македонија и НАТО“, прапа Борисов.

На ова Мицкоски му одговара дека за тоа нема дилема и дека неговата партија уште во 1991 била за ЕУ и НАТО, додека „комунистите се колнеле во Белград и Москва“.

„Многу е важно да го знаеме тоа, да се слушне јасно. Го поддржувате ли Договорот за добрососедство со Бугарија. Не се знае кој ќе победи утре на изборите - ВМРО-ДПМНЕ или социјалдемократите“, вели потоа Борисов.

„Сѐ што може да биде позитивно и за двете страни, и за Македонија и за Бугарија, тука исто така не треба да има дилема“, рече Мицкоски..

Во соопштението на ВМРО-ДПМНЕ се вели дека Мицкоски истакна дека членството во Европската Унија е од стратешки интерес за Република Македонија и клучната стратешка определба на партријата.

„Имајќи го ова предвид тој посочи дека новата Влада  предводена од ВМРО-ДПМНЕ после 12 април, темелно ќе работи на спроведување на структурни реформи.

Лидерот на ВМРО-ДПМНЕ потенцираше дека Македонија се соочува со сериозни проблеми на поле на владеење на правото, висок степен на криминал и корупција во највисоките ешалони на власта како и неказнивоста при случаите на висока корупција. Притоа тој додаде дека ВМРО-ДПМНЕ ќе работи на реформи во правосудниот систем кои ќе го доведат македонското правосудство на ниво на европскиот стандард.

Претседателот на ВМРО-ДПМНЕ посочи дека е за продлабочена соработка базирана на рамноправни основи и взаемно почитување“, соопшти ВМРО-ДПМНЕ.

На средбата во Загреб присуствуваа и Тимчо Муцунски, Влатко Ѓорчев и Александар Николовски.

 

Овозможувањето континуитет на стопанството треба да биде на прво место во агендата на Владата, бидејќи закрепнувањето на економијата ќе дојде токму од приватниот сектор.

повеќе

Светот првично се соочи со кризата предизвикана од коронавирусот на некоординиран начин, при што огромен број држави едноставно ги игнорираа предупредувањата и настапуваа самостојно.

повеќе

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе