Американската амбасадорка во Скопје

Бирнс: Ви благодарам, Никола Димитров, за прославата на годишнината на Стејт департментот и дипломатските односи

Ви благодарам, Никола Димитров и Министерство за надворешни работи, што ни бевте домаќин денес на прославата на 230-годишнината од Стејт департментот и 25-те години американско-македонски дипломатски односи, напиша денеска амбасадорката Кејт Бирнс на Твитер.

„Со нетрпение го очекувам понатамошното партнерство и соработка меѓу нашите земји“, додаде амбасадорката.

„Ги славиме 230-тата годишнина од постоењето на Стејт департментот со американската амбасада и постојаното пријателство и блиска соработка меѓу Северна Македонија и Соединетите Американски Држави! Среќен роденден!“, напиша претходно амбасадорот Димитров.

На 27 јули годинава Стејт департментот наполни 230 години. Тој е најстарата американска извршна агенција, создадена во 1789 година и во прво време нарекувана Министерство за надворешни работи. Томас Џеферсон беше првиот државен секретар.

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе