Дообјаснувања меѓу интегративците

Бејта: Груби нема ниту еден успех зад себе, а ако АА влезе во Владата ќе се спои со ДУИ

Невзат Бејта, еден од предводниците на „огнената група“ во ДУИ кои бараа разрешување на Артан Груби од партиските и државни функции, во телевизиско интервју на новинарско прашање одговори со потпрашање: „Кажете ми за еден успех на вицепремиерот Артан Груби, зашто јас не знам да наведам“. На прашањето што мисли за влез на Алијанса за Албанците во Владата, Бејта одговори дека во таков случај таа партија ќе се спои со ДУИ, но откако ќе поднесе оставка Арбен Таравари.

Во интервју за ТВ Клан Бејта позитивно го оцени двецениското постоење и функционирање на ДУИ во земјата и во Владата. Направивме многу и тоа го ценат граѓаните, рече Бејта.

Сепак, тој оцени дека во последниот период министрите од редот на ДУИ не даваа отчет пред сопартијците во телата на партијата.

Токму на некои од нив Бејта е лут, а особено на Груби, оценувајќи дека поради нив тој не ја добил градоначалничката битка за Гостивар.

„Некои функционери на ДУИ тајно работат да ме ослабат, не се ангажираа на избoрите и затоа загубив во Гостивар. Разговаравме за овој загрижувачки проблем, тоа му го кажав и на лидерот Али Ахмети“, рече Бејта.

На прашањето дали се плаши од Алијанса за Албанците за позициите на ДУИ во Гостивар откако градоначалникот Арбен Таравари стана и претседател на таа партија, Бејта одговори дека нема зошто да се плаши, оценувајќи дека Алијанса за Албанците е ослабена особено по поразот на изборите во Тетово каде, како што нагласи, дожиева политички дебакл.

„Арбен Таравари требаше да си поднесе оставка, како што тоа го стори Зијадин Села. Анкетите покажуваат дека сме многу понапред од Алијансата за Албанците. Тие се слаби во повеќето региони, дури и во Гостивар се на половина од тоа што беа“, рече Бејта.

На прашањето што мисли за евентуален влез на Алијанса за Албанците во Владата, Бејта одговори:

„Нека нѐ победат на избори па нека влезат. Но ако сега влезат, таа партија ќе се спои со ДУИ. Всушност, треба да јакнат како опозиција. Во демократија треба да се има и опозиција и власт“.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе