„Македонија блокира”

Бачев ја повика пратеничката Александрова да не гласа за уставните измени

Александрова ако има грам совест треба да излезе со народот и да не помисли да гласа за уставните измени, повика Јанко Бачев од движењето Македонија блокира на вечерашниот протест во близина на домот на пратеничката Емилија Александрова. 

Граѓаните и претставниците на „Македонија блокира” се обидоа да се соберат пред домот на Александрова, која, како што рекое е една од осумте пребегани и уценети пратеници, но таму се соочија со силно полициско присуство, па не успеаја да ѝ го предадат писмото во кое ги образложиле причините зошто таа не треба да гласа за уставните измени. 

Претставниците на „Македонија блокира” одржаа говор и ја повикаа Александрова да излезе и да им се придружи. 

„Излезете со нас, простено ќе ви биде. Дојдете да ја спасиме Македонија заедно, сега веќе нема простор за играње на две столчиња, или сте со народот или не“, порачаа организаторите на протестот.

На присутните им се обрати и Бачев. 

„Не дозволивме да ни го скршат духот. Цврсто сме решени до крај да ја извојуваме оваа битка. Слушаме имало големи притисоци, но

народот си кажа дека не сака промена на името и не сака членство во НАТО. Ви ветуваа живот, каде е сега животот?”, рече Бачев.

Претходно, „Македонија блокира“ слични настани организираше и пред домовите на други пратеници од опозицијата кои ги поддржаа уставните промени.

 

Неопходно е да се надминат бариерите кои во моментов се присутни во регулаторната, политичката, финансиската и пазарната рамка и кои го кочат напредокот кон обновливите извори на енергија.

повеќе

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе