Анализа

АВМУ: Македонските медиуми лани имале загуба од 96,91 милиони денари

Финансиските резултати од работењето на јавниот радиодифузен сервис и на комерцијалните телевизии и радија за минатата година покажуваат дека македонските медиуми лани оствариле загуба од 96,91 милиони денари, пишува во Анализата на пазарот на аудио и аудиовизуелни медиумски услуги за 2018 година.

Во Анализата, изработена од Агенцијата за аудио и аудиовизуелни медиумски услуги (АВМУ) со цел да осе безбедат сеопфатни сознанија за состојбите во телевизиската и во радиската индустрија за претходната година, се наведува дека на крајот на 2018-та, Македонската радио-телевизија (МРТ) првпат по пет години прикажала загуба во работењето. Така, приходите на МРТ лани се намалиле за 8,44 отсто, на комерцијалните телевизии за 4,52 проценти, а на комерцијалните радиостаници за 3,60 отсто.

Приходите од реклами што заедно ги оствариле сите радиодифузери изнесувале 1.346,06 милиони денари и во споредба со 2017 година бележат пад за 2,71 проценти. Од нив, 34,33 милиони денари биле приходите на МРТ, 1.203,95 милиони денари на комерцијалните телевизии и 107,78 милиони денари на комерцијалните радиостаници.

Трошоците кои заедно ги направиле сите радиодифузери во 2018 година изнесувале 2,537.52 милиони денари, од кои 971,03 милиони денари биле трошоците наМРТ, 1,419.56 милиони денари на комерцијалните телевизии и 146,93 милиони денари на комерцијалните радиостаници.

Анализата ги опфаќа податоците за економското работење на Јавниот радиодифузен сервис и комерцијалните телевизии и радија, како и од мерењата на гледаноста и слушаноста на телевизиските и радиостаниците. Нејзина цел е да обезбедат сеопфатни сознанија за состојбите во телевизиската и во радиската индустрија за претходната година.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе