Катимерини

Атина е за Вардарска Македонија, а Скопје за Нова Македонија

Според добро информирани извори, јасно е дека за време на минатонеделните средби на грчкиот премиер Алексис Ципрас со шефот на грчката дипломатија Никос Коциас и архиепископот Јеронимос, Грција е повеќе за името Република Вардарска Македонија (Republic of Vardarska Macedonia) како дел од договорот во спорот за името, пишува грчкиот весник Катимерини. Од друга страна пак Македонија, според Катимерини, е повеќе за името Република Нова Македонија (Republic of New Macedonia ).

Метју Нимиц, посредникот на ОН во преговорите за името, вели дека на маса се пет негови предлози: Република Горна Македонија, Република Северна Македонија, Република Македонија (Скопје), Република Нова Македонија и Република Вардарска Македонија.

Македонскиот премиер Зоран Заев за три дена, во среда, ќе се сретне со неговиот грчки колега Алексис Ципрас на светскиот економски форум во Давос. На средбата премиерите ќе разговараат за текот на разговорите околу името. Наскоро се очекува и средба меѓу шефовите на дипломатиите на двете земји, пишува весникот.