Арсовски: Коста Петров троши 200 илјади евра за себепромоција во време на економска криза

Портпаролот на ВМРО-ДПМНЕ Димче Арсовски денеска обвини дека Коста Петров, потпретседател на СДСМ и директор на Фондот за иновации, склучил рамковен договор со две маркетинг агенции во вредност од 200.000 евра за, како што рече, „да си снима интервјуа и спотчиња во Фондот за иновации“.

„55.000 граѓани останаа без работа, стопанството и приватните компании не можат на ред да стигнат до државна помош од фирмите блиски до СДСМ и на функционерите на СДСМ, но затоа Коста Петров како втор човек после Заев, се луксузира и си снима спотчиња и интервјуа за 200.000 евра, пари кои што се на граѓаните.

Дали Коста Петров со овие 200.000 евра има намера да ги преплати овие две агенции и тие подоцна да работат партиски агенди или веќе работеле за СДСМ, а не знаеме, или дали има намера преку овие две агенции да врши масовен поткуп со реклами на медиуми, што е забрането законски и казниво со закон.

Чисто за споредба, со нешто повеќе од 200.000 евра се снима и режира нискобуџетен филм“, изјави Арсовски на прес-конференција.

Тој побара одговорност за Петров и ги повика институциите да го истражат случајот.

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе