Реакција

Арсовски: Директорите на ГТЦ, коалицискиот партнер на Заев, семејството Бајрам и МВР се соучесници во криминал

Три дена молчат и директорот на ГТЦ Ѓоко Трајчевски и претседателот на бордот на директори Трајанка Тасевска која инаку е сопругата на директорот на БЈБ при МВР, обвини денес Димче Арсовски од ВМРО-ДПМНЕ за акцијата во Градскиот трговски центар (ГТЦ). 

„Во сред ГТЦ во подрумите позади мене, се копало криптовалути нелегално неколку години откако е СДСМ дојдено на власт, се копало со крадена струја, а МВР не сака да преземе никаква одговорност и ги штити криминалците. Зошто МВР пред три дена ја повлече полицијата да не ја извршат својата работа?

Дали затоа што ургирала сопругата на директорот на БЈБ Сашо Тасевски или пак затоа што ургирал коалицискиот партнер на Зоран Заев, за кој се смета дека негови се и машините за копање криптовалути, а тоа е семејството Бајрам и лично тие имаат ургирано кај Заев и Оливер Спасовски?

Како и да е, МВР има двојни аршини за криминалот.

Оливер Спасовски и МВР ги штитат овие луѓе за сериозен криминал, каде што имаат украдено струја преку ГТЦ во вредност од стотици илјади, а можеби и милиони евра.“, вели Арсовски. 

„Замислете, МВР излезе и кажа дека не се крадело струја и при тоа разговарале со ЕВН кои што им потврдиле, а од ЕВН пак велат дека немаат таму дополнителни броила и практично потенцираа дека МВР со нивната изјава во јавност лажат и со тоа уште еднаш го штитат криминалот.

Да резимираме, директорите на ГТЦ, коалициониот партнер на Заев, семејството Бајрам, и МВР се соучесници во овој сериозен криминал кој тежи стотици илјади евра украдена струја. А, нормално мора да е одобрен од Зоран Заев.

Сите треба да одговараат кривично, бидејќи 3 години штителе криминал и крадење на струја, бидејќи и самите тие се соучесници во овој случај.

Додека МВР, Ѓоко Трајчевски и Трајанка Тасевска молчат, тоа е доволна потврда дека се замешани во сериозен криминал и се фатени живи. Одговорност, но и надомест на штета мора да има“, додава тој. 

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе