Апасиев ја поднесе иницијативата на Левица за референдум за „францускиот предлог“

Лидерот на Левица, пратеникот Димитар Апасиев денеска во собраниската архива ја поднесе иницијативата за организирање на референдум на кој граѓаните би се изјаснувале за тоа дали се за преговори со ЕУ со прифаќање на „францускиот предлог“. Апасиев изјави дека се собрани 750 потписи за иницијативата и нагласи дека не очекува спикерот Талат Џафери да ја отфрли иницијативата.

Станува збор за барање за покренување задолжителен и дополнителен референдум на државно ниво со формулуирано прашање: „Дали сте за продолжување на преговорите со ЕУ со прифаќање на собраниските заклучоци од 16 јули 2022 година".

Апасиев на прес-конференција кажа дека се собрани 750 потписи кои ги предадоа во собраниската архива и изјави не очекува опструкции од претседателот на Собранието Талат Џафери.

„Ние не очекуваме опструкции, а доколку спикерот Талат Џафери се осмели да глуми уставен судија ќе почнеме со целосна блокада на Собранието“, рече Апасиев и додаде дека верува оти ќе имаат координација со пратениците од ВМРО-ДПМНЕ.

„Се надеваме референдумската иницијатива да помине во добра волја и сериозно да бидат сфатени ставовите и барањата на опозицијата“, рече Апасиев.

Џафери минатиот месец ја одби иницијативата на ВМРО-ДПМНЕ за референдумско изјаснување по прашањето: „Дали сте за напуштање на важноста на Законот за ратификација на Договорот за пријателство, добрососедство и соработка меѓу Македонија и Бугарија од 18.01.2018", со образложение дека тој Договор има третман на ратификуван меѓународен договор и според Уставот има правна сила и не може да се менува со закон.

Апасиев за ваквото образложение тогаш рече дека Џафери го нема тоа право да ја отфрли иницијативата бидејќи се става во улога на уставен судија, а дека има можност да изнесе само формални забелешки кои би побарал подносителот да ги исправи. Тој го цитираше деловникот според кој Џафери е должен иницијативата да ја предаде на комисиска расправа, а одлуката се носи на пленарна седница на Собранието.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе