Антикорупциска комисија: Иванов уште не платил за прекршочните пријави за предизборните именувања

Државната комисија за спречување корупција (ДКСК) денеска информираше дека врз основа на покренатите 29 прекршочни постапки платени се налози од околу 3,500 евра, средства кои одат директно во државниот буџет. Но, досега до ДКСК нема пристигнато никакво известување за платен налог од страна на претседателот на државата Ѓорге Иванов за двете прекршочни пријави за именувањата во предизборниот период. Инаку, прекршочната глоба во зависност од тоа за кој прекршок за работи, главно се движи од 300 до 500, а половината е 150 евра.

Антикорупциската комисија, како што беше заклучено на денешната седница, ќе покрене прекршочна постапка против пратеничката Тања Ковачев која не го запазила периодот од 30 дена за да достави известување за вработувањето на нејзиниот сопруг Дејан во АД Аеродроми.

Антикорупциската комисија денеска ги разгледуваше и случаите за вработување на сестрата и на зетот на пратеничката Ковачев. Нејзината сестра Катерина Јакимовска била вработена во УЈП, преку Агенција за времени вработувања, а зетот Бобан Јакимовски во ЈП Водовод и канализација-Скопје. На истиот начин во УЈП преку Агенција за времени вработувања е вработена и Катерина Котевска, сопруга на директорот на затворот – Шутка, Ѓоко Котевски, како даночен контролор. Комисијата ќе побара од Владата и од директорката на УЈП да се преиспита постапката за вработување, со оглед на тоа што на истиот начин преку Агенција за времени вработувања се вработени дури 36 лица.

Антикорупциската комисија бара да се прекине со вработувањата во јавниот сектор преку Агенциите за времени вработувања, бидејќи како што констатираа, се остава сомнеж аа влијанија, за политички вработувања, а се созадава и нефер конкуренција.

Комисијата ќе продолжи да го испитува случајот со вработувањето на  Жанко Симевски, в.д. директор на Здравствената установа во Македонски Брод. Тој трипати последователно, без распишан јавен оглас е поставен на тоа работно место, од страна на министерот за здравство, кој се повикал на своето дискреционо право.

Заменик претседателот на ДКСК Нури Бајрами оцени дека во овој случај се работи и за злоупотреба на службена должност од страна на министерот за здравство, додека пак Софија Дојчиновска, член на комисијата смета дека се работи за сериозно кршење на Законот и е сериозна појава  и во други области.

На седницата беа затворени како застарени случаите за вработувања во општина Лозово, а поврзани со екс градоначалникот на Општината, како и вработувања во ОУ „Гоце Делчев“ во општина Василево, за кои ќе бараат надлежниот инспекторат да ја преиспита целата постапка.

Антикорупциска ќе бара и од јавното обвинителство во Гостивар информација до каде е предметот со поранешниот градоначалник на Општина Кичево, Владо Коруновски, кој е во роднински врски со пратеникот Антонијо Милошоски.

Инаку, информираа од Антикорупција, од 2003 година досега има покренато над 160 иницијативи за кривично гонење. За подетални информации најавија следната седница, за тоа колку од нив се затворени, се во постапка или не се започнати.

ДКСК заклучи дека нема надлежност да постапува и по вработувањето на шурнајката на министерот за економија Крешник Бектеши, во АД. ЕЛЕМ подружница – Струга.

Претседателката на ДКСК Билјана Ивановска извести дека за предметот грчки фирми на министерот за информатичко општество и администрација Манчевски, конкретно за фирмата „Мегатрон“, до комисијата пристигнал демант со приложени документи од стрна на министерот.

„Очекуваме во иднина подносителите да доставуваат пријави со точни и вистинити податоци, во функција на ефикасно работење на комисијата од аспект на трошење ресурси и време, но и да не се нанесува штета на угледот како на поднисителот на пријавата, така и за оној за кој се поднесува пријавата“, изјави Ивановска.

 

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе